ХБХЭЭХолбооны Баян-Өлгий салбар Хөгжлийн бэрхшээлтэй иргэдийн эрхийг хамгаалах өдрийг угтан “ХӨГЖЛИЙН БЭРХШЭЭЛТЭЙ ХҮҮХДИЙН ХӨГЖЛИЙГ ДЭМЖЬЕ” чуулга уулзалтыг санаачлан Норвегийн тусламжийн байгууллага болон АЗДТГазартай хамтран амжилттай зохион байгууллаа. Энэхүү чуулганд Баян-Өлгий аймгийн удирдлагууд, 13 сумын эцэг эхийн төлөөлөлүүд, сургууль, эмнэлгийн нийгмийн ажилтнууд зэрэг нийт 85 оролцогчид хамрагдсан ба Аймгийн засаг дарга Д.Бауыржан, ХБХЭЭХолбооны гүйцэтгэх захирал С.Сэлэнгэ (онлайн) ХБХХТөслийн удирдагч Н.Сосорбарам нар оролцлоо.Чуулга уулзалтаар Хөгжлийн бэрхшээлтэй хүүхдийн өнөөгийн байдал цаашдын зорилго Хөгжлийн бэрхшээлтэй хүүхдийн эрх, эрүүл мэнд, боловсролын талаар холбогдох байгууллагын баримталж буй бодлого “ Хөгжлийн бэрхшээлтэй хүүхдийн хөгжил” төслийн хүрээнд 2020-2021 онд хийсэн үйл ажиллагаа болон цаашдын зорилго зэрэг сэдэвт илтгэлүүд танилцуулагдсан. Санал асуулга,хэлэлцүүлэг болж 14 төрлийн зөвлөмжийг гаргасан.Чуулга уулзалтын дараа хүндэтгэлийн концерт болж үйл ажиллагаа амжилттай өндөрлөлөө.
About Author
