Хөгжлийн бэрхшээлтэй хүүхэд, залуучууд, иргэдийн талаарх олон нийтийн хандлага, ойлголтыг өөрчлөх, хөгжлийн бэрхшээл ба тэгш байдлын тухай ойлголтыг нэмэгдүүлэх, хөгжлийн бэрхшээлтэй залуучуудтай хамтран суралцах, хөгжих, нийгэмд тустай, олон нийтэд түшиглэсэн ажлыг хэрхэн зохион байгуулах чиглэлээр мэдлэг, туршлага хуваалцсан 2 өдрийн нөлөөллийн арга хэмжээнд 45 хүүхэд, залуучууд халдвар хамгааллын дэглэм баримтлан, цаг үеийн нөхцөл байдалд тохируулан шинэлэг байдлаар танхимын болон цахим хэлбэрээр хосолсон (Hybrid) сургалт орлоо.
Хоёр дахь хэсэгт “Бизий” клубын сайн дурын залуучууд Хөгжлийн бэрхшээлтэй залуучууд, эцэг эхчүүд харяалалтай 30 орчим залуучуудыг угтан авч хамт цагийг хөгжилтэй өнгөрүүлэхээр тоглоом зохион байгуулж хамтран ажиллалаа. Төслийн үр дүнд хөгжлийн бэрхшээлтэй залуучууд, иргэдийн талаарх олон нийтийн хандлага, ойлголт өөрчлөгдөж орон нутгийн телевизээр цацагдсанаар илүү олон хүн хөгжлийн бэрхшээл ба тэгш байдлын тухай ойлголттой болсонд баяртай байна.
-Зохион байгуулагч: Хүн зөгий НҮТББ-тэй
– Хамтран зохион байгуулсан: ХБХЭЭХ дорнод салбар
-Урилгыг хүлээн авсан: Төсөл хөгжлийн төв, Дорнод аймгийн Хөдөлмөр Халамжийн Үйлчилгээний газар, Шинэ суваг -Хүүхдийн цаг
– Санхүүжүүлэгч: “Projects for all” хөтөлбөр
Залууст зөв ойлголт, харьцах хандлагаа өөрчлөхийг уриалж байна.
